Pica Tumilho

.
Pica Tumilho
Miranda do Douro




A primeira banda de rock agrícola

Gabam-se de ser a primeira banda rock agrícola e são caso único a cantar em mirandês subsídios agrícolas e tractores com acordes do mais puro rock da pesada.

«Surrealistas» é dos epítetos com que já foram brindados o que mais agrada aos Pica Tumilho, cinco jovens mirandeses que há doze anos criaram uma banda em homenagem à agricultura.

Numa altura em que \"a lavoura estás de rastos\" e \"os fundos da CEE foram bem (mal) gastos\", dois engenheiros, um enfermeiro, um estudante e um professor querem mostrar que os rurais têm futuro e dar uma \"alma nova à abandonada agricultura\".

Dos cinco, apenas um permanece na terra, Sendim, no concelho de Miranda do Douro, mas garantem que, ao contrário de outros que saíram da região para trabalhar e estudar, \"não somos daqueles que abandonam a agricultura\".

Em pouco mais de um década já granjearam um clube de fãs- \"Os Picanços\"- embora ainda algo reduzido ao Nordeste Rural, e conseguiram transpor as fronteiras da região com concertos na Mealhada , Viseu, Leiria, Braga, Lamego e por aí fora.

Têm em bandas como os AC/DC as referências sonoras e nas samarras, bonés, jaquetas espalhadouras, motores de rega e outros instrumentos agrícolas a indumentária, uma mistura exótica que é imagem de marca do Pica Tumilho

Emílio é o criativo da banda que traduz em cómicas letras \"o quotidiano e a essência do povo\" exaltados na guitarra de Pedro, nas teclas de Bruno, na bateria de César e no baixo de Nicolau, com ainda a melodia da tradicional gaita de foles.

A mistura resulta num \"hard rock etnográfico\" registado já em dois CD com temas de crítica social aos projectos agrícolas e peripécias da lavoura.

As históricas que cantam têm como figura central um casal apaixonado, Florinda e Alfredo, símbolos do \"amor agrícola à luz da candeia\".

A história dos Pica Tumilho começou com um desafio lançado pela tia de um dos elementos para escreverem uma letra em mirandês para um festival regional, em que \"arrecadaram todos os prémios\".

Já cantavam a língua mirandesa antes mesmo de ser elevada à categoria de segunda oficial de Portugal e foram buscar o nome às raízes de uma prática ancestral agrícola de aproveitar plantas para fazer fertilizante.

\"Não queremos ser só cómicos\" garantem, assumindo-se como \"músicos de intervenção\" que encontraram numa fórmula antiga a melhor maneira de abordar coisas sérias: \"à gargalhada\".

Independentemente do repertório, a atenção do pública está garantida, seja pela surpresa de ver irromper entre a plateia um tractor, gigantes cabeças de burro insufláveis a erguerem-se no palco ou motores de rega a dispararem fogo de artificio.

\"Ás vezes, podemos parar de cantar que nem notam\", dizem eles, que ao contrário dos caprichos dos artistas famosos, pedem apenas para cada espectáculo o respectivo tractor e fardos de palha.

\"Respiramos agricultura\", insistem e é por isso que fazem do palco um quintal para interpretarem e representarem letras como \"A Agricultura é a Minha Loucura\" convictos de que \"A Lavoura é Futuro\".

Depois de uma sachola autografada, querem agora passar a brindar o público com uma generosa pipa de vinho, para a qual procuram ainda um patrocínio de uma cooperativa qualquer.





Lusa, 2010-03-15
In DTM

.
«Rock agrícola»
Mirandês


Ls Pica Tümilho abrírun ua nuoba jinela na Cultura Mirandesa

Ls Pica Tumilho son ua banda mirandesa que bieno a renobar l modo de fazer música i de ousar ls sonidos de la lhéngua, ajuntando sonido, triato i poesie nun solo cunceito de spetaclo.

Son eilhes Emilio Martins (boç), Pedro Marcos (Guitarra), Nicolau Morete (Baixo), César Paulo (Baterie) i Bruno Peres (Teclas). De mirandés, tráien cun eilhes la giente de l Praino i ls sous porblemas, las sues deficuldades, ls sous suonhos i tamien la sue lhéngua. Afeitos que siempre stubimos a oubir cantar an mirandés solo modas tradecionales, ls Pica Tumilho ajúntan lhéngua mirandesa i música rock i esta, que ye ua música ourbana, eilhes lhieban-la pa l campo i la giente que nel i del bibe. Solo esso, se mais nada houbisse, yá era l abrir dua nuoba jinela na cultura mirandesa. Mas hai muito mais, la eideia dun spetaclo global, adonde bárias artes se zambuolben anriba l trabiado, l que torna ls cuncertos de ls Pica Tumilho cumo algo einesquecible para quien a eilhes assiste.
Até agora salírun dous CDs de ls Pica Tumilho i yá purpáran l treceiro, querendo tamien abinturar-se pul bídeo i cinema. Para quien quejir saber mais cousas i acumpanhar la banda baia a www.picatumilho.com na parte de la ficha técnica.

Fuolha Mirandesa - Cumo bos apareciu l’eideia de fazer un grupo de rock an mirandés?
Pica Tümilho - Éramos uns rapazotes nuobos i siempre gustemos de grandes bandas, principalmente las anglesas. An Pertual la cousa iba mala musicalmente, uas bandas nuobas a eimitar outras bandas pertuesas que, a nuosso ber, nunca fúrun mui oureginales. Cunclusion: aqueilho deixaba-mos meio streloucados i çarumbatos, para nun amentar na pimbalhada que siempre andubo por ende. Sendin tenie de sacar algo tan grande cumo las sues gientes. Miremos uns pa ls outros ne l café i dixo un de nós: Somos boubos por rock n’roll, por esso chigou la altura de fazer algo oureginal musicalmente i triatalmente. Naciu assi PICA TUMILHO, ua banda surrialista, caçuadora i pensada para dar cabo de ls oubidos al bibo.
Apuis, todos teniemos ls mesmos gustos musicales, zde Pink Floyd a Led Zepplin, passando por Marilion i outras, porque nun fazer música rock an Mirandés?

Porque le chamais «rock agrícola»?
Nas horas bagas, quien nun gusta de dar quatro sucos cula mula ou cul trator?! PICA TUMILHO tenie de amentar ne l ambiente alredror la banda, tal i qual como qualquiera banda de rock progressibo. Algo que fusse mais fuorte que la música que nós ambentamos i sendo la laboura la sangre de la nuossa Tierra, eilha tenie de ser l assento de las letras i de las atuaçones al bibo.
Quien bai al nuosso concerto debe lebar siempre trator, mas sien atrelado para nun acupar muito spácio. Quien nun tubir trator que liebe l sacho ou la guincha.

Puode-se dezir que l buosso grupo fui l purmeiro a cortar cula tradiçon musical mirandesa, mas mantenendo la lhéngua?
Respeitamos muito las bandas tradecionales mirandesas. Todas eilhas ténen feito un trabalho baliente. Mas habie que ajuntar la léngua mirandesa al rock, a ber se fazien buona pareilha. Ye ua léngua cun ritmo i até alhi l calão de l mirandés siempre era çpreziado. Nós gustamos dessas palabras. Ténen casta, son fuortes i sírben bien para dezir a aqueilhes que stan ne l polheiro que Trás ls montes eijiste i nun puode ser squecido. Somos ls Pais de l Rock Mirandés. La léngua mirandesa ye fuorte, ye an termos melódicos aparecida al anglés, ten buona dicçon para ser cantada.

L buosso cunceito de música stá tamien ligado a ua cierta eimaige cénica, triatral. Porquei?
Nun cuncerto que fazimos l anho passado an Bal de Cambra, huobo un rapaç perdutor musical que mos dixo al fin: “Bós sódes cumo l champó: 3 an 1! Teneis música, triatro i ua léngua defrente. Normalmente l que you conheço an Pertua quaijeque todas las bandas pertuesas solo tráien música.” Quedemos cuntentos cul agabon. Las pessonas ban a un cuncerto i nun se puoden spantar solo cula música, ten que haber mais algo para fazer de l trabiado ua fiesta i nós, sendo ua banda de l anterior de l paíç, tenemos que apostar nesso. Mesmo que l orçamento seia mais puxado, un camion cargado cun trastes agrícolas ten que ir atrás de nós, porque ye ende que PICA TUMILHO se çtingue de las outras bandas.

Porque achais que la buossa música fui tan bien recebida, subretodo pula mocidade?
I puls garoticos i bielhos tamien! La mocidade gusta de ritmo. La mocidade quier algo nuobo porque yá anda farta de repetiçones, pimbas, músicas feitas por cumputador i dun Pertual tamien an crise musical. Quando aparece algo fuora de l quemun, algo streloucado la malta ten que bolber ls uolhos para esso i pensar: afinal Pertual nun ye solo Xutos i Cuntapies! Miranda tamien ye Pertual i alhi la música faç parte de las pessonas cumo l air que respíran. Ye l rock a falar ua léngua que sona bien.

Cumo apersentais la eibeluçon de l purmeiro CD para l segundo?
Ganhemos mais calho tanto an stúdio cumo an cuncerto. Cula antrada de l teclista Bruno Peres ne l grupo, meianho apuis de l purmeiro disco, las cumposiçones tornórun-se mais trabalhadas i al bibo las melodies ganhórun mais ua boç de apoio i uns adornos mais guapos. Esto dou-mos ua fuorça até alhi nunca bista. Tamien merquemos mais material: ampleficadores, guitarras i baterie que trouxo un sonido mais assente i mais clarico a la banda. Anque you, l bocalista, nun guste d’ansaiar, ls ansaios son agora mais partecipatibos i rentables ou seia yá sabemos l camino que queremos seguir.

La buossa música ten personaiges, cumo Florinda i Alfredo Pica, ye ua música que cunta stórias de giente. Porquei fustes por ende?
Anspirados ne l Tommy de ls The Who, The wall de Pink Floyd, etc. teniemos que criar algo que funcionasse a modo un carton de besita de ls PICA TUMILHO. Estas personaiges ténen ua stória cumo qualquiera pessona i ye de las falas deilhas que mos serbimos para sermos surrialistas i caçuadores de la sociadade. Qualquiera banda de rock ten que tener ua bena de pándiga. Puode parecer ua boubada, mas la risa i las lérias que nós retratamos nas nuossas letras son pensadas al melímetro para tenéren dous sentidos. Nada ye feito a la suorte. Todo debe de star ne l sitio.

Quien ye essa giente de quien fálan las buossas músicas?
Giente buona i spuntánia que sabe ber las cousas, mas que se aquemoda cul pouco que le dan. Giente que bei la sue tierra a quedar sien naide. Giente que bei todo de buono a ir pa las cidades, para aquel Pertual litoral i solo le tócan uas forfalhicas, muita beç chenas de mofo. Florinda representa esse pobo aquemodado, que queda pasmado i sengo a mirar pa l litoral zambuolto. Alfredo repersenta l bózio de l’anterioridade adonde bibimos. Aqueilho que se fizo an Lisboa i nun se fizo na sue Tierra. Al fin, todo nun passa dua outopie ou dun ataque de risa.
Cumo bedes la música mirandesa nesta altura i la sue eibeluçon?
Por agora, la melhor música de Pertual fai-se an Miranda de l Douro. Mas cumo Miranda ye ua cidade de l’anterior, l pertués ourbano nun faç caso. Porque pa ls que se cúidan antendidos nesto, las melhores bandas Pertuesas son de las grandes cidades.
Ténen buonos perdutores i ampresários, al alrobés de las bandas mirandesas adonde nós mos ancluimos. Hoije la música yá nun cunta, nien ls músicos.
Cúntan las anfluenças de l ampresário i l negócio an que l mundo de la música se metiu. An Miranda hai buonos cumpositores, hai músicos de grande culidade, mas nun hai denheiro nien stúdios de telbisones.
Assi i todo, la música mirandesa ten eibeluído, tal cumo la léngua. Nun tenemos mar, mas tenemos ganas de fazer música ne l meio de las binhas arrincadas i ne l meio de leiras çpaixarinadas a serbir d’anspiraçon. Fardos de palha tamien nun fáltan! Quien ls quejir, que benga!

Que stais a fazer nesta altura?
Hai ua tratorada d’eideias i el sabe bien que esse trator nun ye pequeinho. Cun traçon ou nó, temos sido nós solicos que l tenemos puosto a rodar por ende. PICA TUMILHO faç todo cul sou sudor, cuntando siempre cul apoio moral i culs ferragachos de la Giente de la sue Tierra. Qualquiera die sal ua moda nuoba nuossa que fala nestas cousas: “Laboura birtual, feturo rural!”.
Andamos cun antençones de fazer un bídio de la música: Quien anda a roubar las huortas?! Tamien yá eijísten eideias de fazer un filme amador cula stória de Florinda i de Alfredo Pica i, claro, la purparaçon de l treceiro disco. Por anquanto hai muito cuncerto a aguardar por nós. I desta beç se l trator nun pegar cula gilada, bamos a ir de carroça!

Achais que l cantar an mirandés, na sue bariadade sendinesa, ye algo que yá faç parte de la eimaige de marca de l grupo?
Esso ye mais que berdade! PICA TUMILHO sien la lhéngua mirandesa (bariante sendinesa) ye cumo un jardin sien flores! Cantemos ua moda an pertués porque le achemos piada a la letra i tamien por ua question de spriéncia. Esso puode acuntecer outra beç, mas por acaso. Tamien todo mundo sabe que somos mui apegados a las nuossas raízes, somos bairristas, fanáticos pula nuossa Tierra i por estas i por outras nun mos podemos zapartar de l nuosso ambiente, de la nuossa casta. La léngua faç parte de nós, ye mui fuorte i mui musical. Eilha ye complexa i traiçoneira i al mesmo tiempo simples cumo la sue giente. PICA TUMILHO agarra esse lado simples de la léngua, joga culas palabras, faç deilhas gato-çapato, sien nunca perder essa semplicidade.

Ls strumientos que ousais ne ls buossos cuncertos, ban zde tratores a motores de regra, sachos, bigornas. Qual ye la buossa eideia, de que la música ten que ser sacada de la bida de las pessonas ne l die a die?
Á, I inda se squeciu de ls burros! PICA TUMILHO al bibo ten que libar pa l trabiado todo aqueilho que faç parte de las letras de las modas. Siempre gustemos de cousas nuobas, einobadoras i yá bamos fartos dun Paíç de músicos feitos a la presson, de letras desaboridas, sien cherume. L remantismo daqueilhes que se cúidan streilhas tornou-se redículo. Rimas forçadas, muito azeite pul meio (azeiteirada) i muita manha anriba l trabiado. Nós somos ua reaçon a esso todo. Por esso mos cháman ls mentalidade de trator! Ls pimba super-dotados, ls azeiteiros, ls uobos strelhados etc. Ambentamos stórias i bibéncias chenas de algo anterbentibo drento dun surrialismo rural i gozamos cun eilhas cumo se fússen riales. Apuis, passamos todo ne l trabiado cumo nun çfile de moda. Porquei daá-le un anielho a la nóbia an béç dun motor de rega? Porquei un carron, an béç dun tratoron? L cuncerto de PICA TUMILHO acaba por ser ua pieça de triatro cun prencípio, meio i fin. Pena muita beç que ls defensores musicales ourbanos nun se déian de cuonta desso!

Cumo ye que la giente de fuora de la tierra de Miranda bei l buosso grupo?
Anque yá mos conhéçan pula anternet, quédan pantasmiados! Mal ampeçamos a sacar de l camenhon l cenário i ls cacharros, ajúntan-se mais de cien pessonas alredror. Bótan uas risadas balientes i dízen antredientes: - Mas de adonde aparecírun agora estes? Son mesmo oureginales! Normalmente todas las bandas píden a las ourganizaçones ou comissones de fiestas toalhas brancas i muitas marcas de chiske. Nós nó... nós pedimos 4 fardos de palha, un trator bielho i auga fresca , mais nada...
A la nuite toda la giente salta, i se fur ua queima de las fitas, cumo stan calientes, inda sáltan mais. Aqueilho ye ua fiesta. Antréssan-se pula léngua i cunsante bamos tocando bamos splicando an pertués l que cantamos. Quando aparécen las surpresas quaijeque se méijan a rir. Apuis arrebenta l fuogo de artifício de la alquitara i de ls uolhos de l burro, ai home ye ua felcidade total. Al fin ban a tener cun nós a cumbidar-mos a buber algo. Mas cumo tenemos quilómetros a fazer i trabalho a soutordie, nun mos podemos ampandelhar muito. Mas pormetemos siempre bolber un die cun mais tiempo.

Teneis dado muito cuncerto fuora de la tierra de Miranda?
Si. Tenemos sido mui bien acolhidos adonde tenemos ido. Esso dá-mos fuorças i motibaçon pa cuntinar cun este porjeto. Yá corrimos todo l paíç i astanho, pul que parece, bai a ser eigual. Bonda dezir que yá mos pedírun par’ende cerca de 20 ourçamentos . Por esso, rapazes, aparecei siempre a bé-mos, que tengo la certezica que nun quedareis zeiludidos.

Anterbista feita
por Amadeu Ferreira

Anterbista feita por Amadeu Ferreira, 2010-04-07

In DTM